ကျွန်ုပ်တွင် ဘာရောဂါလက္ခဏာများ ရှိနိုင်ပါသလဲ။
ကျောက်ကပ်သည် အလွန်လိုက်လျောညီထွေရှိနိုင်ပြီး လုပ်ဆောင်နိုင်စွမ်းအချို့ ဆုံးရှုံးခြင်းအတွက် အစားထိုးပေးနိုင်စွမ်းရှိသောကြောင့် နဂိုအတိုင်းပြန်မကောင်းနိုင်သော အကြီးအကျယ်ထိခိုက်မှုမျိုး ပေါ်ပေါက်မလာမချင်း စမ်းသပ်ရောဂါလက္ခဏာများနှင့် လူနာတင်ပြ ရောဂါလက္ခဏာများ ပေါ်မည်မဟုတ်ပါ။
CKD ၏ ရောဂါလက္ခဏာများမှာ များသောအားဖြင့် တိကျမှုမရှိပါ။ ဆိုလိုသည်မှာ အခြားရောဂါ အခြေအနေများကြောင့်လည်း ဖြစ်ပေါ်နိုင်သည်။
CKD ၏ ရောဂါလက္ခဏာအချို့မှာ -
ခံတွင်းပျက်ခြင်း
ညောင်းညာချိနဲ့ခြင်းနှင့် အားနည်းခြင်း
အိပ်ရေးမဝခြင်း - အိပ်မပျော်ခြင်း
ကြွက်သား ဆတ်ခနဲတွန့်ခြင်း
အထူးသဖြင့် ညဘက်တွင် ဆီးသွားရသည့် အကြိမ်များခြင်း
စိတ်ကြည်လင်မှု လျော့နည်းလာခြင်းနှင့် စိတ်သဘောထား ပြောင်းလဲခြင်း
ရင်ဘတ်အောင့်ခြင်း နှင့်/သို့မဟုတ် အသက်ရှုကျပ်ခြင်း
ခြေထောက်နှင့် ခြေကျင်းင်းဝတ်များတွင် ဖူးယောင်ခြင်း
သွေးပေါင်ချိန် မြင့်တက်ခြင်း (သွေးတိုး)
အရေပြားယားယံခြင်း
သင့်ဆီးတွင် သွေးပါခြင်း
မအီမသာခံစားရခြင်း
အကယ်၍ ဤရောဂါလက္ခဏာများမှာ ကျောက်ကပ်ရောဂါနှင့် အံဝင်ခွင်ကျဖြစ်နေပါက ဆရာဝန်အနေဖြင့် ရောဂါရာဇဝင်နှင့် ပတ်သက်ပြီး အချက်အလက်များ ပိုမိုရရှိရန်အတွက် အောက်ပါမေးခွန်းများကို မေးနိုင်ပါသည် -
• ရောဂါလက္ခဏာများ ဖြစ်ပေါ်နေသည်မှာ မည်မျှကြာမြင့်နေပြီးဖြစ်သနည်း။
• အခြားရောဂါများ (ဥပမာ- သွေးတိုးရောဂါ၊ ဆီးချိုရောဂါ) ရှိပါသလား။
• မိသားစုဝင်ထဲတွင် ကျောက်ကပ်ရောဂါရှိသူ ရှိပါသလား။
• သင့်အနေဖြင့် လတ်တလောတွင် ရုပ်ပုံရိုက်စစ်ဆေးခြင်းအတွက် ဆေးဝါးသုံးစွဲခြင်း သို့မဟုတ် ဓာတ်မှန်ပုံထွက် ပိုပြတ်သားစေသည့် အရည်ပျစ် အသုံးပြုခဲ့ဖူးပါသလား။
ထို့နောက် ကျန်းမာရေးဆေးစစ်ခြင်းဖြစ်သည့် သွေးဖိအားတိုင်းတာခြင်း၊ သွေးစစ်ခြင်းနှင့် ဆီးစစ်ခြင်းတို့ ပြုလုပ်ပါသည်။
ကျွန်ုပ်၏ ကျောက်ကပ်ကောင်းမွန်စွာ အလုပ်၊ မလုပ်သိလိုပါက မည်သို့သော ကျန်းမာရေးစစ်မှုများ ပြုလုပ်သင့်သနည်း။
ကျောက်ကပ်၏ လုပ်ဆောင်ချက်များကို ဆီးနှင့် သွေးစစ်ခြင်းဖြင့် ဆုံးဖြတ်နိုင်သည်။ ဤကဲ့သို့ ကျန်းမာရေးဆေးစစ်ခြင်းများက ကိုယ်တွင်း အညစ်အကြေးများကို မည်ကဲ့သို့ဖယ်ရှားခံရသည်ကို ပြသနိုင်ပြီး ကျောက်ကပ်ပျက်စီးခြင်း လက္ခဏာတစ်ခုဖြစ်သည့် ကျောက်ကပ်များတွင် ပုံမှန်မဟုတ်သော ပရိုတိန်းပမာဏ ယိုစိမ့်မှု ရှိမရှိ ကိုလည်း ပြသနိုင်သည်။ CKD လူနာများအနေဖြင့် ဤသို့သော ကျန်းမာရေးဆေးစစ်ခြင်းမှုးကို ပုံမှန်ပြုလုပ်ရန် လိုအပ်ပါသည်၊ သို့မှသာ ၎င်းတို့၏ ဆရာဝန်အနေဖြင့် လူနာများ၏ ကျောက်ကပ်လုပ်ဆောင်မှု အခြေအနေကို ကြီးကြပ်နိုင်မည်ဖြစ်သည်။
ကျောက်ကပ်စစ်ဆေးခြင်းကို နားလည်ရန် -
သင်၏ ကျောက်ကပ်များနှင့် ယေဘုယျ ကျန်းမာရေးနှင့် ပတ်သက်ပြီး အချက်အလက်များပေးနိုင်သည့် သွေးနှင့် ကျောက်ကပ်စစ်ခြင်း အမျိုးအစားများစွာရှိသည်။ ထိုဆေးစစ်ခြင်း အများစုနှင့် ဆက်စပ်မှုများကို အောက်ပါအတိုင်း အကျဉ်းချုပ်ထားသည်။
ဆီအတွင်း ပရိုတိန်းဓာတ်-
ထိခိုက်ပျက်စီးနေသော ကျောက်ကပ်များသည် သင်၏ဆီးအတွင်းသို့ ပရိုတိန်းဓာတ်များ ယိုစိမ့်စေနိုင်သည်။ ဆီးထဲတွင် ပရိုတိန်း ဆက်လက်ရှိနေခြင်းသည် နာတာရှည် ကျောက်ကပ်ရောဂါ အစောပိုင်း လက္ခဏာဖြစ်ပြီး သာမန်ဆီးစစ်ခြင်းဖြင့် တွေ့ရှိနိုင်သည်။ ဆီးအတွင်း ပရိုတိန်းပမာဏ အများအပြားရှိနေခြင်းကို သင့်အနေဖြင့် ဆီးအမြှုပ်တစီစီထသည့် ပုံပန်းသွင်ပြင်ကို ကြည့်ခြင်းဖြင့် သိနိုင်သည်။
ဆီးအတွင်း ပရိုတိန်းပမာဏကို စစ်ဆေးရန်အတွက် ဆီးစစ်သည့်ပုံစံအမျိုးမျိုးကို အသုံးပြုနိုင်သည် -
ပထမအဆင့်အနေဖြင့် အသုံးပြုရလွယ်ကူသည့် ဆီးစစ်အပြား မှ ကျောက်ကပ်ရောဂါရှိနေခြင်းနှင့် ပတ်သက်ပြီး အရေးပါသော အချက်အလက်များကို ပေးနိုင်သည်။ ဆီးစစ်အပြားများမှ ဆီးအတွင်းရှိ ပရိုတိန်းပမာဏ ပုံမမှန်စွာ များပြားနေခြင်း ရှိ၊ မရှိ တိုင်းတာပေးနိုင်သည်။ စစ်ထုတ်ထားသည့် ပရိုတိန်းကို ပုံမှန်အားဖြင့်် ခန္ဓာကိုယ်ထဲတွင် ပြန်လည်စုပ်ယူပြီး သိုလှောင်ထားသော်လည်း သင့်ကျောက်ကပ် ထိခိုက်ပျက်စီးသောအခါ ပရိုတိန်းများ သင်၏ဆီးအတွင်း ယိုစိမ့်ပါသည်။
ဆီးစစ်ခြင်းရလဒ်မှာ ပုံမှန်မဟုတ်ပါက အောက်ပါဆေးစစ်ခြင်းနည်းလမ်းများမှ တစ်ခုဖြင့် ဓာတ်ခွဲခန်းတွင် အနီးကပ် ဆီးစစ်ရမည်ဖြစ်သည်။
| ဆီးစစ်ချက်များ |
|
| Urinalysis (ဆီးစစ်ချက်တစ်မျိုး) |
ဤဆီးစစ်နည်းသည် သွေးနီဥဆဲလ်များနှင့် သွေးဖြူဥဆဲလ်များအပါအဝင် ပရိုတိန်းကို ဆီးထဲတွင် တွေ့ရှိနိုင်သည့် သမာရိုးကျ ဆီးစစ်နည်းဖြစ်သည်။ ပုံမှန်အားဖြင့် ထိုအရာများကို ဆီးအတွင်း မတွေ့ရှိရဘဲ အကယ်၍ ရှိနေပါက ကျောက်ကပ်ရောဂါကို ညွှန်ပြနိုင်သည်။ |
| Microalbuminuria (ဆီးအတွင်း albumin ဓာတ် အနည်းငယ် မြင့်တက်ခြင်း) |
Microalbuminuria ဆေးစစ်ချက်သည် တုံ့ပြန်အားကောင်းသော ဆီးစစ်နည်းဖြစ်ပြီး ဆီးတွင်းရှိ albumin (ပရိုတိန်းတစ်မျိုး) ပမာဏအနည်းငယ်ကိုပင် ဖမ်းမိတွေ့ရှိနိုင်ပြီး ကျောက်ကပ်ထိခိုက်ပျက်စီးခြင်း အစောပိုင်း လက္ခဏာကို ပြသနိုင်သည်။ |
| ဆီးအတွင်း Creatinine ဓာတ် |
ဆီးအတွင်း creatinine ပမာဏကို စစ်ဆေးသည်။ ရှိနေသော ကျောက်ကပ်ထိခိုက်ပျက်စီးမှု အဆင့်ကို စစ်ဆေးသည့် နောက်တစ်နည်းဖြစ်ပါသည်။ |
| ဆီးအတွင်း ပရိုတိန်းဓာတ်နှင့် Creatinine ဓာတ်၏ အချိုးအစား |
တစ်ရက်အတွင်း စွန့်သည့် ဆီးအတွင်း သင် စွန့်ထုတ်သည့် ပရိုတိန်းပမာဏကို စစ်ဆေးဆုံးဖြတ်ပေးနိုင်သည်။ |
| Albumin/creatinine အချိုးအစား (ACR) |
တစ်ရက်အတွင်း စွန့်သည့် ဆီးအတွင်း albumin ပမာဏကို စစ်ဆေးပေးသည်။ အမေရိကန် ဆီးချိုရောဂါဆိုင်ရာ အဖွဲ့အစည်း (The American Diabetes Association) မှ ဆီးတွင်းရှိ albumin ပမာဏအနည်းငယ်ကိုပင် တွေ့ရှိရန်အတွက် ACR စစ်ဆေးနည်းကို ထောက်ခံထားပါသည်။ တစ်ကြိမ်တစ်ခါ သွားထားသော ဆီးနမူနာအသေးတစ်ခုအပေါ် နေရာလိုက်ဆီးစစ်ချက်များ သို့မဟုတ် လူတစ်ဦးမှ 24 နာရီပတ်လုံး စုထားသည့် ဆီးအားလုံးအပေါ် ဆီးစစ်ချက်များအဖြစ် ပရိုတိန်းနှင့် albumin ပမာဏ တိုင်းတာနိုင်ပါသည်။ ဆီးကို 24 နာရီ စုဆောင်းခြင်းမှာ ဖိစီးစေနိုင်သော်လည်း ကျောက်ကပ်လုပ်ဆောင်နိုင်စွမ်းအပေါ် အမှန်ကန်ဆုံးသော အချက်အလက်များကို ရရှိနိုင်ရန် ဤဆီးစစ်နည်းကို တခါတရံ လိုအပ်သည်။ ထို့အပြင် စစ်ဆေးခြင်း၏ တစ်စိတ်တစ်ပိုင်းအနေဖြင့် သင့်ဆရာဝန်မှ သွေးဖိအားတိုင်းတာသင့်ပြီး သင်၏ သွေးထဲရှိ glucose နှင့် creatinine ပမာဏကို တိုင်းတာရန် သွေးစစ်ဖို့ ပြောပါမည်။ နောက်လာမည့် အပိုင်းတွင် အကျယ်ရှင်းပြပါမည်။ |
No filter results
| သွေးစစ်ချက်များ |
|
| Estimated Glomerular Filtration Rate (eGFR) |
သွေးတွင်း creatinine ပမာဏ စစ်ဆေးချက်၊ အသက်အရွယ်၊ ကိုယ်ခန္ဓာအရွယ်အစား၊ ကျား/မဖြစ်ခြင်းတို့ကို ကြည့်ရှုခြင်းဖြင့် ဆရာဝန်အနေဖြင့် လူနာအတွက် eGFR ကို တွက်ချက်ပေးနိုင်ပါသည်။ ကျောက်ကပ်လုပ်ငန်းဆောင်တာကို ခန့်မှန်းရန်နှင့် ရောဂါအဆင့်ကို ဆုံးဖြတ်ရန် eGFR သည် အကောင်းဆုံး ရရှိနိုင်သည့် ဆေးစစ်ချက် ဖြစ်ပါသည်။ ထိုဆေးစစ်ချက်က ရောဂါပြင်းထန်မှုကို စောင့်ကြည့်နိုင်စေပြီး ရောဂါကုသရန်အတွက်လည်း အစီအစဉ်ချနိုင်စေပါသည်။ CKD ရောဂါကို စောလျင်စွာ ဖော်ထုတ်အမည်တပ်နိုင်လေလေ ထိုရောဂါပြင်းထန်မှု နှေးအောင်လုပ်နိုင်ခြေ သို့မဟုတ် ဟန့်တားနိုင်ခြေပိုများလေလေ ဖြစ်ကြောင်း အမှတ်ရပါ။ ကျောက်ကပ်ရောဂါ ပိုပြင်းထန်လာစဉ် eGFR ပမာဏ လျော့ကျပါသည် - eGFR ပမာဏ ပိုနည်းခြင်းက ကျောက်ကပ်ထိခိုက်ပျက်စီးမှု ပိုများပြီး ကျောက်ကပ်လုပ်ငန်းဆောင်တာ ပိုကျဆင်းနေသည်ဟု ဆိုလိုပါသည်။ Cystatin C ဟုခေါ်သော နောက်ထပ်ပရိုတိန်းတစ်ခု ပါရှိခြင်းကိုလည်း ကြည့်ရှုပြီး eGFR ကို တွက်ချက်နိုင်ပါသည်။ |
| သွေးတွင်း creatinine ဓာတ် |
သွေးအတွင်း လည်ပတ်နေသော creatinine ပမာဏသည် ကျောက်ကပ်လုပ်ငန်းဆောင်တာကို ညွှန်ပြသည့် အမှတ်အသားတစ်ခု ဖြစ်ပါသည်။ Creatinine ဓာတ်သည် ကြွက်သားမျှင်များ လှုပ်ရှားဆောင်ရွက်ချက်မှ ထွက်ပေါ်လာသော စွန့်ထုတ်ပစ္စည်းတစ်ခု ဖြစ်ပြီး ပုံမှန်အားဖြင့် ကျောက်ကပ်က ထိုဓာတ်ကို သွေးတွင်းမှ စစ်ထုတ်ပြီး ဖယ်ရှားပေးပါသည်။ ကျောက်ကပ်၏ လုပ်ဆောင်နိုင်စွမ်း ပိုဆိုးရွားလာသောအခါ သွေးတွင်း creatinine ပမာဏ တက်လာပါသည်။ သွေးတွင်း creatinine ဓာတ်ကို eGFR တွက်ချက်ရာတွင်လည်း သုံးပါသည်။ |
| Cystatin C |
Cystatin C သည် နျူကလီးယ (nucleus) ရှိသည့် ခန္ဓာကိုယ်ထဲရှိ ဆဲလ်များအားလုံးကို ထုတ်လုပ်ပေးသည့် ပရိုတိန်းတစ်မျိုးဖြစ်သည်။ သွေးလည်ပတ်မှုမှ စွန့်ထုတ်သည့်အလုပ် အစအဆုံးနီးပါးကို ကျောက်ကပ်က လုပ်ပါသည်။ ထို့ကြောင့် ၎င်းသည် ကျောက်ကပ် မည်မျှကောင်းကောင်း အလုပ်လုပ်နေကြောင်း ညွှန်ပြသည့် အလွန်ကောင်းသော အမှတ်အသားတစ်ခု ဖြစ်ပါသည်။ (Creatinine နှင့်မတူသည်မှာ) သွေးတွင်းရှိ cystatin C ပါဝင်မှုသည် ကြွက်သားထုထည်၊ ကျား/မဖြစ်ခြင်းနှင့် မသက်ဆိုင်သောကြောင့် eGFR တွက်ချက်ခြင်းအတွက် ပိုမိုထိရှလွယ်သော သတ်မှတ်ချက်ဘောင် တစ်ခု ဖြစ်ပါသည်။ |
| Blood Urea Nitrogen (BUN) (သွေးတွင်းရှိ ယူရီးယား နိုက်ထရိုဂျင်) |
ကျွန်ုပ်တို့ စားသုံးနေသော အစားအစာထဲရှိ ပရိုတိန်းဓာတ် ပြိုကွဲမှုမှ သာမန်စွန့်ပစ်ပစ္စည်းတစ်ခုနှင့် ခန္ဒာကိုယ် ဇီ၀တွင်း ဖြစ်ပျက်မှုမှ ထွက်လာသည့်ပစ္စည်းတစ်ခု ဖြစ်သည့် urea nitrogen ကို ပုံမှန်အားဖြင့် ကျောက်ကပ်က သွေးထဲမှ စွန့်ထုတ်ပေးသည်။ ကျောက်ကပ်လုပ်ဆောင်နိုင်စွမ်း ပိုဆိုးရွားလာသောအခါ BUN ပမာဏ မြင့်တက်လာသည်။ သင်၏ စားသောက်မှုပုံစံထဲရှိ ပရိုတိန်းပမာဏအပေါ် မူတည်ပြီး မြင့်တက်ခြင်း သို့မဟုတ် လျော့နည်းခြင်းလည်း ဖြစ်နိုင်သည်။ |
| သွေးရည်ကြည်တွင်းရှိ Albumin |
Albumin သည် သွေးတွင်း ပုံမှန်လည်ပတ်နေသည့် ပရိုတိန်းအမျိုးအစား တစ်မျိုးဖြစ်သည်။ ကျွန်ုပ်တို့၏ စားသောက်မှုပုံစံထဲရှိ ပရိုတိန်းမှ ပြုလုပ်ထားခြင်းဖြစ်သည်။ ပုံမှန်အားဖြင့် albumin သည် ကျောက်ကပ်မှ စစ်ထုတ်ပေးရန်အတွက် အလွန်ကြီးမားသော်လည်း ကျောက်ကပ် အပြင်းအထန် ထိခိုက်ပျက်စီးသောအခါ လူနာအနေဖြင့်် ကျောက်ကပ်မှတဆင့် သွေးတွင်း albumin ကို စတင်ဆုံးရှုံးနိုင်သည်။ Albumin နည်းခြင်းက ကူးစက်ရောဂါ တိုက်ဖျက်ရေးဆိုင်ရာ ပြဿနာများအပါအဝင် ကျန်းမာရေးပြဿနာအချို့ကို ဖြစ်စေနိုင်သည်။ Albumin သည် အရည်ကို ဆွဲယူပြီး သွေးကြောထဲတွင် ထိန်းသိမ်းပေးသောကြောင့် albumin ပမာဏလျော့နည်းခြင်းက အရည်များပြားခြင်းနှင့် နေရာအနှံ့ရောင်ရမ်းခြင်းကို ဖြစ်စေနိုင်ပါသည်။ သင်၏ အစားအသောက်ထဲမှ ပရိုတိန်းပမာဏကလည်း သွေးတွင်း albumin ပမာဏကို ထိခိုက်စေသည်။ |
| Hemoglobin (ဟီမိုဂလိုဘင်) |
Hemoglobin သည် ခန္ဓာကိုယ်တွင်း အဆုတ်မှ ဆဲလ်တိုင်းကို အောက်စီဂျင် သယ်ဆောင်ပေးသော သွေးနီဥဆဲလ်များ၏ ဓာတုဒြပ်ပေါင်းဖြစ်ပါသည်။ သင့်တွင် သွေးအားနည်းခြင်း ရှိမရှိကို Hemoglobin ပမာဏဖြင့် သင့်ဆရာဝန်က သိရှိနိုင်သည်။ Hemoglobin ပမာဏသည် ပုံမှန်ထက် လျော့နည်းနေပါက သင့်တွင် သွေးအားနည်းခြင်း ရှိနိုင်သည်။ သွေးအားနည်းခြင်းက သင့်အား အားအင်လျော့နည်းကာ ပင်ပန်းနွမ်းနယ်ခြင်း၊ ရင်တုန်ပန်းတုန်ဖြစ်ခြင်း၊ စိတ်အနှောင့်အယှက်ဖြစ်ခြင်းနှင့် ရောဂါကူးစက်နိုင်ခြေကို မြင့်တက်နိုင်ခြင်း စသည်တို့ကို ဖြစ်စေနိုင်ပါသည်။ |
| TSAT နှင့် သွေးရည်ကြည်တွင်းရှိ Ferritin |
TSAT နှင့် သွေးရည်ကြည်တွင်းရှိ Ferritin တို့သည် သင်၏ ခန္ဒာကိုယ်တွင်း သံဓာတ်ပမာဏကို တိုင်းတာရန်နှင့် သံဓာတ်ကို မည်ကဲ့သို့ အသုံးပြုပြီး သိုလှောင်သည့်ပုံစံကို တိုင်းတာသည့် နည်းလမ်းများဖြစ်ပါသည်။ သံဓာတ်သည် hemoglobin ၏ အခြေခံပါဝင်ပစ္စည်းဖြစ်ပြီး သင်၏သွေးနီဥဆဲလ်များ မှန်မှန်ကန်ကန် ဖွံ့ဖြိုးမှုနှင့် လုပ်ငန်းဆောင်တာ လုပ်ဆောင်မှုအပြင် ဆဲလ်စွမ်းအင်ထုတ်လုပ်မှုအတွက် ပေါင်းစည်းပါဝင်ပါသည်။ |
| Parathyroid Hormone (PTH) (ပါရာသိုင်းရွိုက် ဟော်မုန်း) |
PTH သည် အရိုးများ၊ ကျောက်ကပ်များနှင့် ကိုယ်တွင်းကလီစာများပေါ်သို့ သက်ရောက်သော သွေးတွင်း ကယ်လ်စီယမ်နှင့် ဖောစဖိတ်ပမာဏကို ချိန်ညှိပေးသည့် Parathyroid အကျိတ်များမှ ထုတ်လုပ်သည့် ဟော်မုန်းတစ်မျိုးဖြစ်သည်။ |
| ကယ်လ်စီယမ် |
ကယ်လ်စီယမ်သည် သန်မာသော အရိုးများ ဖွံ့ဖြိုးရန်အတွက် အရေးကြီးသော သတ္တုဓာတ်တစ်မျိုးဖြစ်သည်။ CKD လူနာများအနေဖြင့် ကျောက်ကပ်စစ်ထုတ်မှု ချို့ယွင်းခြင်းကြောင့် ကယ်လ်စီယမ် ဆုံးရှုံးမှုကို ကြုံတွေ့ရနိုင်ပြီး သွေးတွင်းရှိ ကယ်လ်စီယမ်ပမာဏကို လျော့နည်းစေနိုင်ကာ အရိုးအားနည်းခြင်းနှင့် ကျိုးအက်နိုင်ခြေကို မြင့်တက်စေနိုင်သည်။ |
| ဖော်စဖောရက်စ် |
CKD လူနာများတွင် ဖော်စဖောရက်စ် ဇီဝဖြစ်ပျက်မှုလည်း ပျက်စီးနိုင်ပြီး သွေးတွင်း ဖော်စဖောရက်စ်ပမာဏကို မြင့်တက်စေပါသည်။ ဖော်စဖောရက်စ်ပမာဏ မြင့်တက်မှုက အရိုးအားနည်းမှုကို ဖြစ်စေနိုင်သည်။ |
| ပိုတက်စီယမ် |
ပိုတက်စီယမ်သည် နှလုံးနှင့် ကြွက်သားများကို သင့်တင့်လျောက်ပတ်စွာ အလုပ်လုပ်ရန် အထောက်အကူပေးသော သတ္တုဓာတ်တစ်မျိုးဖြစ်သည်။ ပိုတက်စီယမ် ပမာဏအလွန်များခြင်း သို့မဟုတ် အလွန်နည်းခြင်းက ကြွက်သားများကို အားနည်းစေနိုင်ပြီး သင်၏ နှလုံးခုန်နှုန်းကို ပြောင်းလဲစေနိုင်သည့်အပြင် အသက်အန္တရာယ်ခြိမ်းခြောက်ခံရသည့် အခြေအနေ ဖြစ်နိုင်ခြေရှိသည်။ CKD ရောဂါပိုဆိုးလေလေ ပိုတက်စီယမ် ပမာဏ ပိုများလေလေဖြစ်ပြီး ရောဂါနောက်ဆက်တွဲပြဿနာများစွာ ဖြစ်စေနိုင်ပါသည်။ |
| ကိုလက်စထရော စုစုပေါင်းပမာဏ |
ပုံမှန်အားဖြင့် ကိုလက်စထရောကို သင့်ခန္ဓာကိုယ်တွင် တွေ့ရပါသည်။ ကိုလက်စထရော ပမာဏမြင့်တက်ခြင်းက နှလုံးနှင့် သွေးကြောဆိုင်ရာ ပြဿနာ ဖြစ်နိုင်ခြေ ပိုများစေနိုင်ပါသည်။ လူနာအများစုတွင် ကောင်းမွန်သော ကိုလက်စထရော စုစုပေါင်းပမာဏမှာ 200 အောက် ဖြစ်သည်။ သင့်ကိုလက်စထရောပမာဏ အလွန်မြင့်နေပါက သင့်အစားအသောက်တွင် အပြောင်းအလဲအချို့ လုပ်ရန်နှင့် ကိုယ်လက်လှုပ်ရှားမှု ပိုလုပ်ရန် သင့်ဆရာဝန်က သင့်ကို ပြောနိုင်ပါသည်။ အချို့လူနာများတွင် ကိုလက်စထရော လျှော့ချပေးရန် ဆေးပေးပါသည်။ (မကြာမကြာ ကျောက်ကပ်ဆေးခြင်း သို့မဟုတ် ကျောက်ကပ်အစားထိုးကုသခြင်း ခံယူနေရသောသူများအပါအဝင်) CKD ရောဂါရှိကြောင်း မကြာသေးမီက သိရသည့် အရွယ်ရောက်သူများတွင် သွေးတွင်း ကိုလက်စထရောနှင့် အခြားအဆီဓာတ်များ၏ ပမာဏကို တိုင်းတာပေးသည့် “အဆီဓာတ် ပရိုဖိုင်” အတည်ပြုစစ်ကြည့်ရန် စမ်းသပ်စစ်ဆေးချက်ပေါင်းများစွာ ပါဝင်သော ဆန်းစစ်အကဲဖြတ်ချက်တစ်ရပ်ကို အကြံပြုထားပါသည်။ (ကိုလက်စထရော စုစုပေါင်းပမာဏ၊ LDL ကိုလက်စထရော၊ HDL ကိုလက်စထရော၊ triglycerides)⁶ |
No filter results
ကိုးကားချက်များ
1. Findlay’s and Isles’ “Clinical Companion in Nephrology”, Springer Ed., 2015 မှ ထုတ်နုတ်ကိုးကားထားသည်။
2. “Comprehensive Clinical Nephrology”, 6th edition, Elsevier Ed., 2015 မှ ထုတ်နုတ်ကိုးကားထားသည်။
5. Kidney Disease: Improving Global Outcomes (KDIGO) CKD Work Group. KDIGO 2012 Clinical Practice Guideline for the Evaluation and Management of Chronic Kidney Disease. Kidney inter., Suppl. 2013; 3: 1–150.
6. Kidney Disease: Improving Global Outcomes (KDIGO) Lipid Work Group. KDIGO Clinical Practice Guideline for Lipid Management in Chronic Kidney Disease. Kidney inter., Suppl. 2013; 3: 259–305.
7. “Diabetic Nephropathy”, American Diabetes Association, Diabetes Care 2002 Jan; 25 (suppl 1): s85-s89.
8. Global, regional, and national burden of chronic kidney disease, 1990–2017: a systematic analysis for the Global Burden of Disease Study, 2017.
သင်ဖတ်ရှုလိုမည့် အခြားအကြောင်းအရာများ
ကျန်းမာကြံ့ခိုင်မှုနှင့် ကျောက်ကပ်
ကျွန်ုပ်၏ ကျောက်ကပ်အတွက် အစားအစာ
ကျွန်ုပ်နှင့် ဘဝတူများ
CKD ရောဂါ ကုသနည်း