• လူးပပ်စ်ကျောက်ကပ်ရောင်ရောဂါ (LN) သည် Systemic Lupus Erythematosus (SLE) လူနာများတွင် တွေ့နိုင်သည့် ကျောက်ကပ်ရောဂါတစ်မျိုး ဖြစ်သည်။ [1]
• SLE သည် autoimmune disease (မိမိခုခံအားစနစ်က ပုံမှန်ဆဲလ်များကို မှားယွင်းစွာ တိုက်ခိုက်သည့်ရောဂါ)အမျိုးအစားတစ်ခု ဖြစ်သည်။ ဆိုလိုသည်မှာ သင့်ခုခံအားစနစ်က ခန္ဓာကိုယ်အတွင်း သင်၏ ဆဲလ်များ သို့မဟုတ် ကိုယ်အင်္ဂါအစိတ်အပိုင်းများကို ပြင်ပမှရောက်လာသည့်အရာများဟု အမှတ်မှားကာ တိုက်ခိုက်ခြင်း ဖြစ်သည်။ သင့်အရေပြား၊ အဆစ်များ၊ သွေးကြောများ၊ အဆုတ်များ၊ ဦးနှောက် နှင့်/သို့မဟုတ် ကျောက်ကပ်ကဲ့သိုသော ကိုယ်အင်္ဂါအစိတ်အပိုင်းများကို အကြီးအကျယ် ထိခိုက်ပျက်စီးစေနိုင်ပါသည် [2]။
• (glomeruli ဟုလည်းခေါ်သည့်) ကျောက်ကပ်အတွင်း သွေးစစ်ထုတ်ပေးသည့် သေးငယ်သော သွေးကြောများသည် ခုခံအားစနစ်၏ တိုက်ခိုက်မှုခံရပြီး ဖူးယောင်ခြင်းနှင့် ကျောက်ကပ် အမာရွတ်ဖြစ်လောက်အောင် ထိခိုက်ပျက်စီးခြင်း ဖြစ်လာသောအခါ လူးပပ်စ် ကျောက်ကပ်ရောင်ရောဂါ ဖြစ်ပေါ်လာပါသည်။
• LN ရောဂါရှိသူအချို့တွင် ကျောက်ကပ်သည် ဆက်လက် ပိုဆိုးရွားလာပြီး နောက်ဆုံးတွင် လုံးဝ အလုပ်မလုပ်တော့ဘဲ ရပ်တန့်သွားနိုင်ပါသည်။ ထိုသိုဖြစ်လာပါက လူနာအနေဖြင့် သွေးသန့်စင်ရန် စက်အသုံးပြုသည့် ကျောက်ကပ်ဆေးခြင်း သို့မဟုတ် ကျောက်ကပ်အသစ်တစ်ခု (ကျောက်ကပ်အစားထိုးကုသခြင်း) လိုအပ်ပါမည်။ [1, 2]
US နိုင်ငံတွင် လူ 1.5 သန်းနှင့် ကမ္ဘာအနှံ့ လူ 5 သန်း တွင် လူးပပ်စ်ရောဂါတစ်မျိုး ရှိကြကြောင်း ခန့်မှန်းသိရှိရပါသည်။ [3]
SLE သည် အမျိုးသားများထက် အမျိုးသမီးများတွင် များစွာ ပိုအဖြစ်များပါသည်။ SLE လူနာ 10 ဦးတွင် 9 ဦးခန့်မှာ အမျိုးသမီးများ ဖြစ်ကြပါသည်။ [4]
LN သည် SLE လူနာများတွင် တွေ့ရှိရသည့် အဖြစ်အများဆုံးသော ပြဿနာများထဲမှာ တစ်ခု ဖြစ်သည်။ အရွယ်ရောက်ပြီး SLE လူနာ 10 ဦးထဲမှ 6 ဦးခန့်တွင် ကျောက်ကပ်ထိခိုက်ပျက်စီးမှု တစ်မျိုးမျိုး ရှိကောင်းရှိနိုင်ပါသည်။ [4, 5]